* * *
მეცოტავება შენთვის სამყარო,
დილა მზიანი მაინც მსურს გახარო..
არ მემეტება შენთვის სიბნელე,
მთვარიან ღამეს მაინც გიხსენებ..
მეცოტავება შენთვის გრძნობები,
თუმცა ჩემს გრძნობებს არასდროს შორდები..
შენთვის ცოტაა ჩემი არსება,
მაინც მსურს შენთვის ცხოვრების ავსება..
მეცოტავება შენთვის ბუნება,
მაინც მსურს გიჩვენო რა ნაზად მუქდება..
მეცოტავება მე შენთვის სითბო,
მაინც მსურს გული მხოლოდ მე გითბო..
არ მემეტება შენთვის სიცივე,
მაინც წვიმაში ხეტიალს ვიმეტებ..
მეცოტავება შენთვის სიზმრები,
თუმცა ყოველ ღამ მათ ეხიზნები..
ვერ გაგიმეტებ ცივი ზამთრისთვის
და მსურს ბუხარი თბილი ღამისთვის..
მეცოტავება მე შენი ტრფობა,
თუმცაღა მე მან უხვად დამთოვა..

                       * * *

ჩემი ცხოვრების გამობრწყინება
და სიყვარულის აღორძინება,
წრფელი გრძნობების გამოვლინება -
ამ ქვეყნად შენი აღმოჩინება..
ყოფიერების გამოდარება,
შენთვის ამ გულის გადმობარება,
გრძნობის ჭურჭლიდან გადმოდინება -
შენი ამ ქვეყნად აღმოჩინება..
ნეტარი წუთის უკვდავქმნილება,
სითბოს და სიტკბოს უხვად დინება,
სულიერების ნათელქმნილება -
ამ ქვეყნად შენი აღმოჩინება..
თბილი განცდების უხვად ვლინება,
უფლისა მადლმან ასე ინება -
შენი ამ ქვეყნად აღმოჩინება
ჩემი ცხოვრების აღორძინება..

                              21.04.2013

                                      * * *

შენ დაეფინე ჩემს ცხოვრებას ფერად ზმანებად
და სიყვარულის აამღერე სულში ნოტები..
შენ ხარ ხალისი და აღმაფრენა და აღტაცება
და სიდიადით აღტყინება უხვი გრძნობების..
შენ მოექარგე ცხოვრების გზას ქარგით ნატიფით
და ამოავსე ცარიელი ქარგის ნაწილი..
შენ ხარ ნახევარი, ჩემს ნახევარს დროში გაცლილი,
შენ ხარ ავსება და შენ ხარ სავსება და ჩემი ნაწილი..
შენ ხარ გაზაფხულის ნორჩი სურნელება ჰაერს გაშლილი,
მინდვრის აყვავება, ყვავილთ აფეთქება, გულის წადილი..
შენ ხარ განთიადი, გაცისკროვნება და სხივით აღვსილი,
კვირტის დატკბობა და არსის დათბობა და სულის ძახილი..
შენ ხარ გრძნობების და სიტკბოს მოზღვავება სხეულს დაღვრილი,
შენ ხარ სიკეთე და შენ ხარ გაღიმება ბაგეს დავლილი..
შენ ხარ სიხარული, ჩემი ცხოვრებისთვის აზრად გახდილი..
შენ ხარ სიყვარული, დიდი სიყვარული ჩემში ჩაღვრილი..

                                                                      07.04.2013